周润发89年演出慨《赌神》为渠慨电影事业登上第二个高峰,渠演绎慨赌神高进真系好鬼深入民心,风采至今仍然令人难忘,唔少影迷仲相信现实中慨发哥真系赌神,可以喺赌台大杀三方,乜鬼类型慨赌都识,如果大家系咁谂就真系大错特错,其实真正慨赌神唔系周润发,系周润发慨老婆陈荟莲!
 
点解会咁样,原来发嫂后生嗰阵喺新加坡,跟渠爸爸学识唔少赌法,廿一点、话事啤、十三张、牌九、麻雀、大细都玩过,而且好有赌运同技术,听闻发哥演赌神时都有向老婆取经,所以女赌神其实系发嫂,好,听下发嫂自己讲俾大家听:「周润发梗系唔系赌神,我先系赌神呀!因为年年我都有一班朋友喺新年就嚟我屋企拜年,咁食完饭大家会开赌局,我仲会做庄!几粒钟会轮流玩廿一点、鱼虾蟹、大细等等,我真系年年赢到开巷!」
 
发嫂落场做庄,发哥又会否会落场玩一两局呢?发嫂笑说:「唔会啦!唔好啩!两公婆赌,边度好玩呀!同朋友玩好啲,其实佢唔赌慨,因为冇兴趣,顶多唔够麻雀脚,新年就帮忙戥脚,唔玩就会帮我服侍啲朋友啰!咁上下渠就先行上房休息。倒返转头我就好有兴趣研究,而且系好有赌运,譬如玩廿一点,成日攞到3条7喎!好似我有嗰个magic power去控制个牌,玩到兴起时,成身出晒汗不特止,我仲企喺凳上面甩牌,大家系唔可以想像到我可以咁样,朋友全部输晒,渠哋真系想死,成班人闹我一定系作法嚟,现场真系好开心,好多欢乐声,所以新年赌一次钱几开心㗎!」